Վերջին նորությունները Nissan-ը Մերձավոր Արևելքում ներկայացնում է ադապտիվ օդային կախոցը բոլորովին նոր Patrol մոդելի վրա՝ առավել առաջադեմ և վստահ վարորդական փորձի համար

Դուբայ, ԱՄԷ (18 նոյեմբերի, 2025 թ.) – Nissan-ը հերթական անգամ բարձրացնում է կատարելության և հնարավորությունների նշաձողը՝ ներկայացնելով նոր ադապտիվ օդային կախոցի համակարգը՝ Intelligent Dynamic Damping (e-Damper տեխնոլոգիա) լուծմամբ, բոլորովին նոր Patrol մոդելի վրա։ Այս առաջադեմ համակարգը, որը հասանելի է բացառապես առաջատար Patrol V6T Platinum, Patrol PRO-4X և Patrol NISMO տարբերակներում, շարունակելով Patrol-ի ինժեներական գերազանցության հարուստ ժառանգությունը, ապահովում է հստակ առավելություններ, որոնք բարձրացնում են հարմարավետությունը, անցանելիությունը, գործնականությունը, արդյունավետությունն ու վարորդի վստահությունը յուրաքանչյուր երթի ժամանակ։

Այս զարգացման հիմքում Patrol-ի կախոցի առաջամարտիկ ժառանգությունն է։ Տասնամյակներ շարունակ Patrol-ը հայտնի է իր անկախ քառանիվ կախոցով, որը հաջողությամբ համատեղում է հարմարավետ երթևեկությունն ու բարձր արտաճանապարհային հնարավորությունները։ Այս արդեն վստահելի համակարգը այժմ համալրվել է երկու կարևոր նորարարությամբ։ Առաջինը e-Damper տեխնոլոգիան է, որը իրական ժամանակում վերահսկում և նվազեցնում է ցնցումները՝ ապահովելով ավելի հարթ ընթացք։ Երկրորդը Ադապտիվ օդային կախոցի համակարգն է, որը հնարավորություն է տալիս փոխել մեքենայի բարձրությունը՝ կախված ճանապարհային պայմաններից և վարորդի կարիքներից։ Պահպանելով յուրաքանչյուր անիվի անկախ աշխատանքը՝ այս երկու տեխնոլոգիաների համադրությունը դարձնում է վարումը ավելի կայուն ու կանխատեսելի՝ ընդլայնելով Patrol-ի հնարավորությունները թե՛ քաղաքային ճանապարհներին, թե՛ ամենաբարդ արտաճանապարհային պայմաններում։

Մերձավոր Արևելքում ավելի քան յոթ տասնամյակ պատմություն ունեցող Patrol-ը շարունակում է մարմնավորել ուժը, հեղինակությունն ու նպատակասլացությունը։ Նրա հզոր 3.5 լիտրանոց V6 twin-turbo շարժիչը ապահովում է անմիջական քաշող ուժ, արագ արձագանք և վստահ կատարողականություն ցանկացած պայմաններում։ Նոր հարմարվող օդային կախոցը՝ e-Damper տեխնոլոգիայով, իրական ժամանակում ճշգրտորեն հարմարվում է ճանապարհի պայմաններին՝ ապահովելով դինամիկ, բայց միաժամանակ բացառիկ հարմարավետ վարում։ Ամրացված նոր շասսիի և 9-աստիճան ավտոմատ փոխանցման տուփի հետ համատեղ այս համակարգը ստեղծում է ավելի հարթ, ավելի լուռ և հավասարակշռված վարորդական փորձ՝ քաղաքում, մայրուղիներում և ամենաբարդ արտաճանապարհային երթուղիներում։

Nissan Middle East-ի, Սաուդյան Արաբիայի և ԱՊՀ երկրների փոխնախագահ և նախագահ Թիերի Սաբբաղը նշել է․
«Adaptive Air Suspension համակարգի ներդրումը Patrol-ի զարգացման գործում կարևոր փուլ է։ Այն արտացոլում է Nissan-ի խորքային ըմբռնումը Մերձավոր Արևելքի վարորդների սպասելիքների վերաբերյալ՝ միավորելով Patrol-ի հանրահայտ դիմացկունությունը հարմարավետության և կառավարելիության նոր մակարդակների հետ։ Անապատային և քաղաքային պայմաններում իրականացված լայնածավալ փորձարկումների արդյունքում մենք հպարտ ենք ներկայացնել Patrol, որը մինչ օրս ամենաամբողջական, առավել անցանելի և բազմակողմանի տարբերակն է»։

Նորարարության հիմքում իրական ժամանակում հարմարվող համակարգն է, որը Patrol-ի վարումը դարձնում է ավելի վստահ և հարմարավետ՝ առաջարկելով հինգ հիմնական առավելություն:

1. Գերազանց հարմարավետություն և կայունություն. e-Damper խելացի համակարգը մշտապես հարմարեցնում է կախոցի աշխատանքը՝ ըստ ճանապարհի և արագության՝ նվազեցնելով թափքի թեքումները և ցնցումները։ Արդյունքում ապահովվում է հարթ և կայուն ընթացք՝ նվազեցնելով վարորդի հոգնածությունը և առաջարկելով սեդաններին բնորոշ հարմարավետություն՝ առանց զիջելու Patrol-ի ուժեղ բնույթը։
2. Ավելի մեծ վստահություն արտաճանապարհային պայմաններում. Off-Road ռեժիմում համակարգը բարձրացնում է մեքենայի բարձրությունը մոտ 50 մմ-ով, բարելավելով մոտեցման, միջանկյալ և հեռացման անկյունները։ Սա ապահովում է բացառիկ վերահսկում և վստահություն բարդ տեղանքում՝ համալրված վեց ընտրովի վարորդական ռեժիմներով՝ Standard, Sand, Rock, Mud, Eco և Sport։
3. Ճանապարհային արդյունավետության և վերահսկման բարելավում. Բարձր արագությունների դեպքում Patrol-ը ավտոմատ կերպով իջեցնում է բարձրությունը Aero Mode ռեժիմում՝ բարելավելով աէրոդինամիկան, կայունությունն ու վառելիքի արդյունավետությունը՝ ապահովելով հանգիստ և վստահ երթևեկություն մայրուղիներում։
4. Առօրյա գործնականություն և հարմարավետություն. Կանգառի ժամանակ մեքենան ավտոմատ կերպով իջեցնում է բարձրությունը՝ հեշտացնելով նստելն ու իջնելը, ինչպես նաև բեռնախցիկի օգտագործումը, ինչը հատկապես հարմար է ընտանիքների և ամենօրյա օգտագործման համար։
5. Հարմարվող բարձրություն՝ անվտանգ և վստահ վարելու համար. Համակարգը խելացիորեն կառավարում է բարձրությունը՝ կախված արագությունից և պայմաններից՝ ապահովելով հարմարավետության, կայունության և անվտանգության օպտիմալ հավասարակշռություն թե՛ բարձր արագությունների, թե՛ անհարթ ճանապարհների դեպքում։

Լրացուցիչ առավելություն է այն, որ նոր կախոցը ներդաշնակ աշխատում է Patrol-ի առաջադեմ տեսախցիկային համակարգերի հետ, այդ թվում՝ Panorama View և Invisible Hood View լուծումների, ապահովելով վարորդին բացառիկ տեսանելիություն և ճշգրտություն ինչպես ճանապարհին, այնպես էլ դրանից դուրս։

Adaptive Air Suspension համակարգի ներդրումը վերահաստատում է Nissan-ի հանձնառությունը Մերձավոր Արևելքի համար ստեղծված ինժեներական նորարարություններին՝ ապահովելով, որ Patrol-ը շարունակի մնալ տարածաշրջանի ամենավստահելի և բազմակողմանի պրեմիում խոշոր ամենագնացը նաև գալիք սերունդների համար։

Patrol V6T ամբողջական շարքը՝ ներառյալ շքեղ Platinum-ը, PRO-4X-ը և ավտոսպորտից ներշնչված, հատուկ կարգավորված NISMO-ն, նոր Adaptive Air Suspension համակարգով արդեն հասանելի է Nissan-ի գործընկեր ցանցում՝ ԱՄԷ-ում, Սաուդյան Արաբիայում և ամբողջ տարածաշրջանում։

Nissan Motor Co., Ltd.-ի մասին
Nissan-ը համաշխարհային ավտոարտադրող է, որը շուկա է հանում ավտոմեքենաների ամբողջական տեսականի Nissan և INFINITI բրենդների ներքո։ Ընկերության գլոբալ կենտրոնակայանը գտնվում է Յոկոհամայում (Ճապոնիա) և ղեկավարում է գործունեությունը չորս տարածաշրջաններում՝ Ճապոնիա-ԱՍԵԱՆ, Չինաստան, Ամերիկա և AMIEO (Աֆրիկա, Մերձավոր Արևելք, Հնդկաստան, Եվրոպա և Օվկիանիա)։

Ապրանքների, ծառայությունների և կայուն շարժունակության նկատմամբ մեր հանձնառության մասին ավելին իմանալու համար այցելեք Nissan AMI։ Հետևեք մեզ Facebook-ում, Instagram-ում, Twitter-ում և LinkedIn-ում, ինչպես նաև դիտեք մեր վերջին տեսանյութերը YouTube-ում։

Լրացուցիչ տեղեկությունների համար խնդրում ենք կապ հաստատել.